នគរបាលក្រុងតាខ្មៅឃាត់ខ្លួនជនសង្ស័យមុខសញ្ញាលួចកាច់កម៉ូតូ២នាក់
20-April-2020 | ដោយ ពលមនសិការ
កណ្ដាល៖ នគរបាលក្រុងតាខ្មៅ ឃាត់ខ្លួនជនសង្ស័យជាមុខសញ្ញាលួចកាប់កម៉ូតូ និងជាប់ពន្ធនាគារ២នាក់ យកមកអធិការដ្ឋាននគរបាលក្រុង ដើម្បីកសាងសំណុំរឿងចាត់ការតាមច្បាប់ បន្ទាប់ពីជនសង្ស័យទាំង២នាក់នេះ ជិះម៉ូតូឌុបគ្នាបម្រុងធ្វើសកម្មភាពលួចកាច់កម៉ូតូរបស់ប្រជាពលរដ្ឋ។
ករណីចាប់ខ្លួននេះ ធ្វើឡើងនៅវេលាម៉ោង២៣និង៣០នាទី ថ្ងៃទី១៩ ខែមេសា ឆ្នាំ២០២០ ស្ថិតក្នុងភូមិក្រពើហាកើត សង្កាត់ព្រែកឫស្សី ក្រុងតាខ្មៅ ខេត្តកណ្តាល។
មន្ដ្រីនគរបាលក្រុងតាខ្មៅបានឲ្យដឹងថា ជនសង្ស័យចាប់ខ្លួនបានមានគ្នា២នាក់ ទី១-ឈ្មោះ កែវ ប៊ុនធឿន ភេទប្រុស អាយុ៣០ឆ្នាំ មានទីលំនៅភូមិថ្មី សង្កាត់តាខ្មៅ ក្រុងតាខ្មៅ ខេត្តកណ្តាល និងទី២-ឈ្មោះ រី ពិសិដ្ឋ ភេទប្រុស អាយុ១៩ឆ្នាំ មានទីលំនៅភូមិព្រែករាំង សង្កាត់កំពង់សំណាញ់ ក្រុងតាខ្មៅ ខេត្តកណ្តាល។
ចំណែកវត្ថុតាងដកហូតបានមាន៖ ម៉ូតូ១គ្រឿងម៉ាកToday ពណ៌ស ពាក់ស្លាកលេខ កណ្តាល១V-៩៧១៥ ,សោខ្សៀលេខ៨រាងអក្សរLចំនួន១ ,ដែក៦មានចុងស្រួចសំប៉ែតចំនួន២ ,សោរម៉ាកVan Chneeចំនួន១ ,កូនសោរម៉ាកTiger ចំនួន១ និងឧបករណ៍សម្រាប់ផ្តាច់បារីចំនួន១ទៀតផងដែរ ។
ប្រភពដដែលបន្ដថា នៅវេលាម៉ោងកើតហេតុខាងលើ កំលាំងនគរបាលប៉ុស្តិ៍ព្រែកឫស្សី បានចេញល្បាតក្នុងភូមិសាស្ដ្ររបស់ខ្លួន លុះមកដល់ចំណុចកើតហេតុ បានឃើញជនសង្ស័យទាំង២នាក់កំពុងតែជិះម៉ូតូងាកចុះ ងាកឡើង ដោយមានការសង្ស័យកំលាំងនគរបាលក៏បានដេញតាមហើយឃាត់ខ្លួនសួរនាំ ពេលនោះស្រាប់តែជនសង្ស័យឈ្មោះ កែវ ប៊ុន ធឿន បានទំលាក់វត្ថុតាងចោលភ្លាមនោះសមត្ថកិច្ចឃើញក៏ធ្វើការឆែកឆេរ ឃើញមានវត្ថុតាងសម្រាប់ធ្វើសកម្មភាពលួច ឈានដល់ឃាត់ខ្លួនជនសង្ស័យទាំង២នាក់ រួមទាំងវត្ថុតាងបញ្ជូនអធិការដ្ឋាននគរបាលក្រុង រួចកសាងសំណុំរឿងចាត់ការតាមនីតិវិធីច្បាប់។
សូមបញ្ជាក់ថាជនសង្ស័យឈ្មោះ កែវ ប៊ុនធឿន ធ្លាប់ជាប់ពន្ធនាគាររយៈពេល១៨ខែពីបទលួច(កាច់កម៉ូតូ)ក្នុងឆ្នាំ២០១៣ ៕
ចំនួនអ្នកទស្សនា
- ថ្ងៃនេះ1291
- ម្សិលមិញ3601
- សប្តាហ៍នេះ17241
- ខែនេះ63341
- ឆ្នាំនេះ399601
- សរុប19627047